पंचायत प्रतिनिधि मन ह देखिन छत्तीसगढ़ी लोकगीत अऊ पंथी के प्रस्तुति

रायपुर, 15 मार्च 2018। हमर छत्तीसगढ़ योजना म अध्ययन भ्रमण म आए चार जिला मन के पंच-सरपंच मन ह योजना के आवासीय परिसर, नया रायपुर के उपरवारा स्थित होटल प्रबंधन संस्थान म छत्तीसगढ़ी लोकगीत अऊ लोकनृत्य मन के आनंद लीन। ए दौरान उमन पंथी नृत्य के प्रस्तुति घलोक देखिन। दुर्ग जिला के लहगा (धमधा) के स्वर्गीय लालजी बर्रे स्मृति पंथी पार्टी के कलाकार मन ह अपन रंगारंग प्रस्तुति मन ले पंचायत प्रतिनिधि मन के मन मोहिन। राज्य शासन के हमर छत्तीसगढ़ योजना के तहत चार जिला मन के 623 पंच-सरपंच दू दिन के अध्ययन भ्रमण म रायपुर आए रहिन। एमां सरगुजा के 232, बलरामपुर के 156, धमतरी के 154 अउ मुंगेली के 81 पंच-सरपंच सामिल रहिन।


style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">