स्कूली लइका मन के बीच बइठके लीन जायजा
रायपुर 19 मार्च 2018। मुख्यमंत्री डॉ रमन सिंह प्रदेशव्यापी लोक सुराज अभियान के तहत आज बलौदाबाजार-भाटापारा जिला के ग्राम कोसमकुण्डा म समाधान शिविर म सामिल होए के बाद उहां के प्राथमिक अऊ मिडिल स्कूल म घलोक पहुंच गें।
उमन उहां मिडिल कक्षा मन के लइका मन बर संचालित स्मार्ट क्लास रूम ल देखिन अऊ बनाय गए स्मार्ट क्लास के लइका मन के बीच बइठ के पढ़ई के जायजा लीन। शासकीय पूर्व माध्यमिक शाला के सातवीं कक्षा म मुख्यमंत्री ह लइका मन ले स्मार्ट क्लास ले पढाई के फायदा के जानकारी लीन। लइका मन ह बताइन कि स्मार्ट क्लास के संग पुस्तक मन के मुकाबला अच्छा विसय ले संबंधित जानकारी समझ म आथे। एल.ई.डी. स्क्रीन म फोटू के सहायता ले पढई आसान लगे लगे हे।
मुख्यमंत्री डॉ. सिंह ह लइका मन ल खूब मेहनत अऊ मन लगाके पढ़ाई करे के समझाईश दीन अउ लइका मन ले पढाई लिखाई के बारे म घलोक जानकारी लीन। ए दौरान निर्भिक होके जवाब देहे म उमन लइका मन ल शाबाशी दीन। पूर्व माध्यमिक शाला के शिक्षक मन ह बताइन कि छठवीं, सातवीं, अऊ आठवीं कक्षा के पढ़ईया लईका मन ल अंगरेजी अऊ गणित के बेसिक जानकारी एल.ई.डी. स्क्रीन के संग पढ़ाए जात हे। मुख्यमंत्री ह प्राथमिक स्कूल के कक्षा पहली अऊ दुसरी के लइका मन ले सबो पढ़ाई लिखाई के जानकारी लीन अऊ उंखर उत्साहवर्धन करिन। उमन अपन निरीक्षण के समय स्कूल मन म लगाए गए बायोमेटिक मशीन म शिक्षक मन के उपस्थिति दर्ज कराइन।
style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">
