रायपुर, 14 मार्च 2018। परिवहन मंत्री श्री राजेश मूणत ह आज संझा राजधानी के सिविल लाईन स्थित नवीन थिरावन भवन म प्रदेश म राजधानी बस सेवा के संचालन के संबंध म बस वाहन मालिक मन के बैठक लीन। अभी हाले म प्रदेश म राजधानी बस सेवा के संचालन बर 19 कई ठन मार्ग मन ल चिन्हित करे गए हे। एमां राजधानी बस सेवा चालू करे बर प्राथमिकता के आधार म पांच मार्ग बर बस वाहन मालिक मन ले 48 आवेदन प्राप्त होए हे। श्री मूणत ह प्रदेश म राजधानी बस सेवा के लउहे संचालन बर जरूरी निर्देश दीन। एखर बर उमन विभागीय अधिकारी मन ल सबो जरूरी तैयारी युद्ध-स्तर म करे बर घलोक निर्देशित करिन।
style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">
बैठक म बताए गीस कि राजधानी बस सेवा चालू करे बर प्राथमिकता के आधार म अभी हाल म पांच मार्ग बर आवेदन पत्र आमंत्रित करे गए हे। एखर तहत परिवहन विभाग ल कुल 48 आवेदन पत्र प्राप्त होए हे। ए मार्ग मन म रायपुर ले राजनांदगांव, रायपुर ले सरायपाली, रायपुर ले बिलासपुर, रायपुर ले कबीरधाम (कवर्धा) अऊ रायपुर ले कांकेर सामिल हे। एखर अलावा आन मार्ग मन म रायपुर ले महासमुंद, रायपुर ले धमतरी, रायपुर ले बलौदाबाजार अऊ रायपुर ले मुंगेली ल राजधानी बस सेवा बर चिन्हांकित करे गए हे। अइसनहे रायपुर ले राजनांदगांव-डोंगरगढ़, रायपुर-राजनांदगांव-मानपुर, रायपुर-सरायपाली-सारंगढ़-रायगढ़, बिलासपुर-मुंगेली-कवर्धा अऊ बिलासपुर ले जांजगीर-रायगढ़, मार्ग ल घलोक चिन्हांकित करे गए हे। एखर अलावा बिलासपुर ले कोरबा, अम्बिकापुर-सूरजपुर-बैकुण्ठपुर-मनेन्द्रगढ़, अम्बिकापुर ले बगीचा-जशपुर अउ दुर्ग ले डोंगरगढ़ मार्ग ल घलोक सामिल करे गए हे। अइसनहे राजनांदगांव-खैरागढ़-कवर्धा, बिलासपुर ले अम्बिकापुर अऊ दुर्ग-बालोद-दल्लीराजहरा मार्ग ल राजधानी बस सेवा के संचालन बर चिन्हित करे गए हे। ए अवसर म अकतहा परिवहन आयुक्त श्री ओ.पी. पाल अउ उप परिवहन आयुक्त श्रीमती श्वेता श्रीवास्तव सिन्हा अऊ बस वाहन मालिक बड़ संख्या म उपस्थित रहिन।
style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">
