रायपुर, 18 मार्च 2018। छत्तीसगढ़ अल्पसंख्यक आयोग के वार्षिक सम्मेलन आज इहां खालसा स्कूल के सभा कक्ष म आयोग के अध्यक्ष श्री सुरेन्द्र सिंह केम्बो के अध्यक्षता म पूरा होइस। आयोग के सदस्य तौकीर रजा अऊ श्री प्रबोध मिंज संग कई ठन अल्पसंख्यक समुदाय मन के वरिष्ठ प्रतिनिधि ये मां सामिल होइन। वार्षिक सम्मेलन म अल्पसंख्यक मन बर छत्तीसगढ़ शासन अऊ भारत शासन कोति ले चलाये जात योजना मन के जानकारी दे गीस।
आयोग के अध्यक्ष श्री सुरेन्द्र सिंह केम्बो ह कहिन कि राज्य सरकार अऊ केन्द्र सरकार कोति ले सबो अल्पसंख्यक समुदाय मन के हित के रक्षा बर अऊ उंखर बेहतरी बर सजग हे। उमन कहिन कि सबो अल्पसंख्यक समुदाय मन बर शिक्षा, स्वरोजगार, व्यापार अउ उद्योग संग अनेक कल्याणकारी योजना मन के संचालन करे जात हे। श्री केम्बो ह मनखे मन ले ए योजना मन के लाभ लेहे के अपील करिन। सम्मेलन ल छत्तीसगढ़ राज्य वक्फ बोर्ड के अध्यक्ष श्री मोहम्मद सलीम अशरफी, छत्तीसगढ़ उर्दू अकादमी के अध्यक्ष श्री अकरम कुरैशी, मदरसा बोर्ड के अध्यक्ष मिर्जा एजाज बेग, राज्य हज कमेटी के अध्यक्ष सैयय्द सैफद्दीन ह घलोक सरकार कोति ले अल्पसंख्यक समुदाय मन के हित म करे जात कल्याणकारी कार्य मन के विस्तार ले जानकारी दीन।
style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">
कई ठन अल्पसंख्यक समुदाय मन के प्रतिनिधि मन ह घलोक अपन विचार व्यक्त करिन। छत्तीसगढ़ विधान सभा के मनोनीत विधायक जोसफ बनॉर्ड रोड्रिक्स अऊ अल्पसंख्यक आयोग के पहिली अध्यक्ष श्री दिलीप सिंह होरा संग फादर अनिल कुमार, श्री कोमल जैन अउ श्री ज्ञान सिंह राजपाल विशेष रूप ले उपस्थित रहिन। आभार प्रदर्शन उर्दू अकादमी के उपाध्यक्ष श्रीमती नजमा अजीम ह अऊ संचालन श्री मिर्जा मसूद अऊ सुश्री पायल विशाल ह करिन। आयोग के सचिव श्री बद्रीश सुखदेवे ह अतिथि मन ल स्मृति चिन्ह भेंटकर के सम्मानित करिन। ए अवसर म राज्य के कई ठन जिला मन ले आए अल्पसंख्यक वर्ग के सदस्य, स्कूली छात्र-छात्रा अऊ गणमान्य नागरिक उपस्थित रहिन।
style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">
