रायपुर, 26 मार्च 2018। प्रदेशव्यापी लोक सुराज अभियान के तहत बेमेतरा जिला के ग्राम भण्डेरा पहुंचे डॉ. रमन सिंह ह गांव के हाईस्कूल म जाके कक्षा नवमीं के लइका मन ले मुलाकात करिन। उमन लइका मन ले उंखर पढ़ाई-लिखाई के बारे म जानकारी लीन। मुख्यमंत्री ह लइका मन ले ये घलोक पूछिन कि पढ़-लिखकर का बनहू। लइका मन ह बताइन कि ओ मन डॉक्टर, इंजीनियर अऊ मास्टर बनना चाहथें। डॉ. सिंह ह लइका मन ल लगन के संग पढ़ाई करे के समझाईश देवत पूछिन कि ओ मन कतका घंटा पढ़ाई करथें। लइका मन ह बताइन कि दू ले तीन घंटा। मुख्यमंत्री ह पढ़ाई बर अऊ जादा समय निकाले बर कहिन। संगेच योग अऊ खेल बर घलोक समय निकाले ल कहिन। मुख्यमंत्री जब कक्षा म पहुंचिन त कुछ छात्रा मन ह ओ मन ल बताइन कि ये स्कूल केवल दसवीं तक हे। एला कहूं आप मन हायर सेकेण्डरी कर देवव त हमला आगू के पढ़ाई बर बाहिर नइ जाना परही। मुख्यमंत्री ह लइका मन ल बताइस कि उमन आजेच ए हाईस्कूल के हायर सेकेण्डरी स्कूल के रूप म उन्नयन करे के घोषणा करे हें। अवइया जुलाई महिना ले इहां 11वीं के क्लास शुरू हो जाही। ए म सबो लइका मन ह ताली बजाके मुख्यमंत्री ल धन्यवाद दीन।
style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">
