रायपुर,10.03.2018। कुशालपुर स्थित माँ दंतेश्वरी मंदिर म पूजा-अर्चना करके रायपुर दक्षिण विधायक अउ प्रदेश सरकार के सबसे वरिष्ठ मंत्री बृजमोहन अग्रवाल काल 11 मार्च ले जन आशीर्वाद पदयात्रा म निकलहीं। ए दौरान ओ मन कई ठन विकासकार्य मन के लोकार्पण अउ भूमिपूजन घलोक करहीं।
भारतीय जनता पार्टी संगठन के आह्वान म आयोजित ए पदयात्रा म श्री अग्रवाल 11,12 अउ 13 मार्च के बने अपन कार्यक्रम के मुताबिक ओ मन 9 वार्ड के दौरा करहीं। सबले पहिली काल 11 मार्च के मंझनिया 3 बजे ले उंखर यात्रा वामनराव लाखे वार्ड-64 (कुशालपुर) ले चालू होही। माँ दंतेश्वरी मंदिर म पूजा-अर्चना के पाछू श्री अग्रवाल मलसाय तालाब रोड पीयूष नगर, शीतला नगर पहुंचहीं। ए दौरान ओ मन शासकीय हाई स्कूल के उद्घाटन अउ आदिवासी कालोनी म सामुदायिक भवन के भूमिपूजन करहीं। ओखर बाद तिरंगा चौक, दंतेश्वरी चौक, कायस्त पारा, ठाकुर पारा रोड, टुरी हटरी, पंचपथ पारा, बंधवा पारा, लाखे नगर चौक, टिल्लू चौक, लुहार चौक, लिली चौक, जुन्ना बस्ती थाना होत महंत लक्ष्मीनारायण वार्ड 61 स्थित बूढ़ेश्वर मंदिर चौक म ए दिन के यात्रा पूरा होही।
style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">
12 मार्च के माँ महामाया मंदिर वार्ड 62, विपिन बिहारी सूर वार्ड (मठपारा) 56, शहीद ब्रिगेडियर उस्मान वार्ड (टिकरा पारा) 55 अउ राजीव पांडे वार्ड 54 म ये यात्रा होही। मंझनिया 3 बजे माँ महामाया मंदिर म पूजा के पाछू, गजराज चौक, गोवर्धन चौक, गणपत सिंधी स्कूल चौक, कूकरी पारा, दुधाधरी मंदिर, बजरंग चौक, आदर्श चौक, भगत सिंह चौक, श्रीराम चौक, सिद्धार्थ चौक, हरदेवलाल चौक, संजय नगर, झंडा चौक, मिलन चौक, रामजानकी मंदिर, राधाकृष्ण मंदिर मेन रोड संजय नगर भ्रमण के पाछू ए दिन के यात्रा खतम होही।
13 मार्च के ये यात्रा ब्राह्मण पारा वार्ड 58, कंकाली पारा वार्ड 59, कामरेड सुधीर मुखर्जी वार्ड 65 म होही जऊन ह आज़ाद चौक ले चालू होके, कंकाली हॉस्पिटल चौक, महितोष चौक, सुहागा मंदिर, सत्यनारायण मंदिर चौक, पंचपथ पारा चौक, भोई पारा, जय काली चौक, झूलेलाल मंदिर, सारथी चौक, महंत पारा, लाखे नगर चौक, साई मंदिर रोड, हनुमान नगर होत अश्वनी नगर म ये यात्रा सम्पन होही।
एखर संबंध म बृजमोहन अग्रवाल ह कहिन कि अपन ए यात्रा म पाछू 4 बछर म केंद्र के अउ 14 बछर म राज्य के भाजपा सरकार ह जऊन विकास के काम करे हे अउ जऊन योजना लोकहित म संचालित होवत हे ओखर से जनता ल अवगत कराहीं। संगेच उमन कहिन कि हमार काम मन म कोनो कमी-कमजोरी होही उहू ल घलोक जनता ले पूछबोन।
style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">
बृजमोहन ह कहिन कि हमर भाजपा सरकार ही हे जऊन हर साल जनता के दुवारी म पहुंचके अपन काम मन के लेखा-जोखा प्रस्तुत करथे। ये हमर परीक्षा ये, जेमा जनता अब तक हमला अच्छा नंबर ले पास करत आत हे। निश्चित ही ए जन आशीर्वाद यात्रा म घलोक जनता के आशीर्वाद भाजपा के संगेच होही। हम हमेशा जनभावना के मुताबिक प्रदेश अउ देश ल के विकास के रस्ता म आगू बढ़ात रहिबोन। ए पूरा यात्रा के प्रभारी प्रदेश भाजपा उपाध्यक्ष सुनील सोनी, श्रम कल्याण मंडल के उपाध्यक्ष सुभाष तिवारी, विजय अग्रवाल, जिला भाजपा कोषाध्यक्ष योगी अग्रवाल होही। इही प्रकार वार्ड यात्रा प्रभारी बने आरडीए उपाध्यक्ष रमेश सिंह ठाकुर, प्रदेश भाजयुमों महामंत्री संजु नारायण सिंह, जिला भाजपा उपाध्यक्ष श्यामसुंदर अग्रवाल, प्रदेश भजयुमों सह प्रचार मंत्री अनुराग अग्रवाल, मुकेश शर्मा, जोन अध्यक्ष सालिक सिंह ठाकुर, पार्षद मनोज वर्मा, मंडल अध्यक्ष चूड़ामणि निर्मलकर, रामकृष्ण धीवर, केके अवधिया, आशीष धनगर, केदार धनगर, मनीष गरडभुजे, बद्री गुप्ता, पार्षद आकाश दुबे, अजय साहू, प्रेम बिरनानी, रामकिंकर सिंह, नरेंद्र देवांगन संग भाजपा के हज़ारों कार्यकर्ता ए सम्पूर्ण यात्रा म शामिल होंहीं।
style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">
