रायपुर, 16 मार्च 2018। लोक निर्माण मंत्री श्री राजेश मूणत अऊ आदिम जाति विकास मंत्री श्री केदार कश्यप ह आज नया रायपुर स्थित पुरखौती मुक्तांगन म बनत आदिवासी संग्रहालय अउ आदिम जाति अनुसंधान केन्द्र के निरीक्षण करिन। लोक निर्माण विभाग कोति ले स्वीकृत 27 करोड़ 26 लाख 61 हजार रूपिया के राशि ले एकर निर्माण करे जात हे।
लोक निर्माण मंत्री श्री मूणत ह जांच के बेरा ए निर्माण म विशेष गति लात एला अवइया महिना अगस्त के पहिली हफ्ता तक हर हालत म पूरा करे बर निर्देशित करिन। उमन एखर बर संबंधित विभागीय अधिकारी मन ल आपसी समन्वय बनाके समयबद्ध ढंग ले काम करे बर विशेष जोर दीन। संगेच ए मन ल निर्माणाधीन काम के प्रगति के संबंध म हर एक महीना समीक्षा करे बर घलोक निर्देशित करिन। श्री मूणत ह आदिवासी संग्रहालय म दर्शक मन के रूचि ल ध्यान म रखत इहां सेल्फी-जोन के घलोक निर्माण करे बर जरूरी निर्देश दीन। ए दौरान उमन भवन के साज-सज्जा, फर्नीचर अउ विद्युतीकरण आदि व्यवस्था ल घलोक समय-बद्ध ढंग ले पूरा करे बर संबंधित अधिकारी मन ल निर्देशित करिन। श्री मूणत ह अवगत कराइन के ए निर्माण ले छत्तीसगढ़ के समृद्ध आदिवासी संस्कृति ले जुड़े प्राचीन धरोहर मन ले आमजन अउ पर्यटक सहजता ले परिचित होहीं।
ए अवसर म आदिम जाति अउ अनुसूचित जाति विकास विभाग के विशेष सचिव अउ आयुक्त श्रीमती रीना बाबा साहेब कंगाले, छत्तीसगढ़ सड़क विकास प्राधिकरण के विशेष कर्त्तव्यस्थ अधिकारी श्री अनिल राय संग विभागीय अधिकारी उपस्थित रहिन।
style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">
