रायपुर, 16 मार्च 2018। हमर छत्तीसगढ़ योजना के तहत अध्ययन भ्रमण म आए तीन जिला मन के पंचायत प्रतिनिधि प्रदेश के उपलब्धि, विकास अऊ सरकार के योजना ल जानिन-समझिन। दू दिन के अध्ययन प्रवास के समय उमन रायपुर अऊ नया रायपुर के बहुत अकन जघा के भ्रमण करिन। पंच-सरपंच मन ह नवा रायपुर म जिहां जंगल सफारी, मंत्रालय, शहीद वीर नारायण सिंह अंतर्राष्ट्रीय क्रिकेट स्टेडियम अऊ पुरखौती मुक्तांगन देखिन, उन्हें उमन रायपुर म विधानसभा, साइंस सेंटर अऊ इंदिरा गांधी कृषि विश्वविद्यालय के भ्रमण करिन। पंचायत प्रतिनिधि मन ह महाप्रभु वल्लभाचार्य के जन्मस्थली चंपारण घलोक देखिन।
हमर छत्तीसगढ़ योजना म जांजगीर-चांपा, रायगढ़ अऊ बलौदाबाजार-भाटापारा के 337 पंच-सरपंच अध्ययन भ्रमण म आए हें। एमां रायगढ़ जिला के 159, जांजगीर-चांपा के 102 अउ बलौदाबाजार के 76 पंचायत प्रतिनिधि सामिल हें। योजना के आवासीय परिसर, नया रायपुर के उपरवारा के होटल प्रबंधन संस्थान म पंचायत प्रतिनिधि मन ल सरकार के कई ठन योजना मन के जानकारी दे गइस। उमन पुरखौती मुक्तांगन म लाइट एंड साउंड शो के आनंद लीन। पंच-सरपंच मन बर आवासीय परिसर म सांस्कृतिक संध्या के घलोक आयोजन करे गीस।
style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">
