रायपुर, 20.03.2018। छत्तीसगढ़ प्रदेश के कृषि अउ सिंचाई मंत्री बृजमोहन अग्रवाल ह आज रायपुर शहर के बीच स्थित निर्माणाधीन नेताजी सुभाष स्टेडियम, कई ठन सड़क मन के निर्माण काम अउ तालाब मन के सौन्दर्यकरण काम के निरीक्षण करिन। उमन अपन संग मौजूद लोक निर्माण विभाग, नगर निगम अऊ जिला प्रशासन के अफसर मन ले काम के प्रगति के जानकारी लेत काम म तेजी लाय के बात कहिन। उमन नेताजी सुभाष स्टेडियम म हॉकी के अलावा बास्केट बॉल, बेडमिंटन अऊ वालीबाल बर घलोक मैदान तइयार करे के निर्देश दीन।
सीएसईबी चौक बूढ़ापारा ले कालीबाड़ी चौक होत पचपेड़ी नाका अउ सिद्धार्थ चौक ले हरदेवलला मंदिर टिकरा पारा तक 12 करोड़ के लागत ले बनत सड़क निर्माण काम के उमन अवलोकन करिन। उमन सड़क चौड़ीकरण अउ सौन्दर्यकरण बर सड़क के किनारे झूमर लाइटिंग अउ गार्डनिंग करे के निर्देश विभागीय अफसर मन ल दीन। उमन मारवाड़ी शमशान घाट म चलत निर्माणकार्य अउ नरहरेश्वर तालाब, महाराजबंद तालाब के सौन्द्रीयकरण काम के घलोक निरीक्षण करिन।
style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">
ए संबंध म बृजमोहन अग्रवाल ह कहिन कि विकास काम मन के प्रगति ल देखे बर आज उमन अफसर मन के संग सबो काम मन के अवलोकन करे हें। येमा जऊन कमी कमजोरी दिखिस ओखर निराकरण करे अउ जन भावना के मुताबिक काम मन ल पूरा करे के निर्देश दीए हें। उमन बताइन कि महाराजबंद तालाब के सौन्द्रीयकरण के काम चलत हे। ओखर चारों तरफ पाथ बनाए जाय के बात कहे हें। जल्दीच जुन्ना बस्ती, कुशालपुर, प्रोफेसर कालोनी, सुंदर नगर, मठ पारा, महामायी पारा टिकरा पारा, सदर, बूढ़ापारा आदि क्षेत्र के नागरिक मन ल मरीन ड्राइव के जइसे एक एक खूबसूरत स्वच्छ सरोवर देखे ल मिलही। ए दौरान श्रम कल्याण मंडल के उपाध्यक्ष सुभाष तिवारी, कलेक्टर ओपी चौधरी, जोन अध्यक्ष सालिक सिंह ठाकुर आदि उपस्थित रहिन।
style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">
