महिला उत्पीड़न के शिकायत म करहीं जल्दी कार्रवाई
रायपुर, 26 मार्च 2018। मुख्यमंत्री डॉ. रमन सिंह ह आज संझा जिला मुख्यालय कांकेर म छत्तीसगढ़ पुलिस के महिला कमाण्डो के 35 प्रधान आरक्षक मन अऊ आरक्षक मन ल सायरन लगे फटफटी भेंटकरके अपन शुभकामना दीन। नक्सल प्रभावित कांकेर जिला म महिला मन ल उत्पीड़न ले बचाय बर राज्य शासन कोति ले महिला पुलिस कमाण्डो दस्ता के गठन करे गए हे। मुख्यमंत्री आज लोक सुराज अभियान के तहत कांकेर पहुंचे रहिन, जिहां उमन महिला कमाण्डो मन ल ये फटफटी सौंउपिन। जिला के कोनो क्षेत्र ले महिला मन उपर कोनो प्रकार के अत्याचार के शिकायत मिले म महिला कमाण्डो तुरंते बाइक म सायरन बजात घटना स्थल बर रवाना हो जाहीं अऊ अपराधी मन के खिलाफ कार्रवाई करहीं। मुख्यमंत्री ह ओ मन ल शुभकामना के संग रवाना करिन। शहर के सड़क मन म महिला कमाण्डो मन ह मुख्यमंत्री ले मिले फटफटी संग प्रतीकात्मक रैली घलोक निकालीन।
style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">
