रायपुर,7 मार्च 2018। मुख्यमंत्री तीर्थ यात्रा योजना के तहत कोरिया जिला के 299 मनखे मन ल तीर्थ यात्रा म रवाना करे गीस। प्रदेश के श्रम मंत्री श्री भईयालाल राजवाड़े ह 6 मार्च के दिन बैकुण्ठपुर रेल्वे स्टेशन ले ए तीर्थयात्री मन ल शिरडी, शनि सिंगनापुर अऊ त्रयंबकेश्वर तीर्थ स्थल मन बर हरी झण्डी देखाके रवाना करिस। तीर्थ यात्री 9 मार्च तक शिरडी, शनि सिंगनापुर अऊ त्रयंबकेश्वर के यात्रा करहीं। ए तीर्थ यात्री मन म जिला के विकासखण्ड बैकुण्ठपुर के 116, भरतपुर के 17, मनेन्द्रगढ़ के 40, सोनहत के 25 अऊ खडगवां के 23 तीर्थ यात्री मन संग 8 अनुरक्षक सामिल हे। श्री राजवाड़े ह माला पहनाकर तीर्थ यात्री मन के स्वागत करिन। उमन तीर्थ यात्री मन ल कुशल अऊ मंगलमय यात्रा बर शुभकामना अऊ बधाई दीन। ए मौका म श्री राजवाड़े ह कहिन कि मुख्यमंत्री डॉ. रमन सिंह के सरकार ह प्रदेश के बुजुर्ग, दिव्यांग मन अउ वरिष्ठ नागरिक मन ल निःशुल्क तीर्थयात्रा कराके ऊंखर तीर्थ यात्रा करे के सपना ल साकार करत हे। उमन कहिन कि ये खुशी अऊ गर्व के बात हे कि कोरिया जिला के 229 तीर्थयात्री शिरडी, शनि सिंगनापुर अऊ त्रयंबकेश्वर तीर्थ स्थल बर रवाना होवत हें। ए मौका म बड़ संख्या म तीर्थ यात्री मन के स्वजन अऊ नागरिक मौजूद रहिन।
style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">
