राज्य के वित्तीय प्रबंधन बेहतर: डॉ. रमन सिंह
रायपुर, 03 अगस्त 2017। मुख्यमंत्री डॉ. रमन सिंह ह कहे हें कि सामाजिक क्षेत्र के योजना मन म आम जनता के बेहतरी बर अपन बजट के राशि खर्च करे के मामला म छत्तीसगढ़ पूरा देश म पहिली स्थान म हे। डॉ. सिंह ह आज इहां बताइन कि सामाजिक क्षेत्र म बजट म जी.एस.डी.पी. के अनुपात म प्रावधान के मामला म आन राज्य मन के औसत 7.9 प्रतिशत हे, जबकि छत्तीसगढ़ सरकार ह सबले जादा 15.8 प्रतिशत के प्रावधान करे गए हे। उमन बताइन - भारतीय रिजर्व बैंक (आर.बी.आई.) के ताजा रिपोट 2017 के अनुसार छत्तीसगढ़ के वित्तीय प्रबंधन बेहतर हे।
उमन ये घलोक बताइन कि राज्य के ऋण भार जी.एस.डी.पी. के 14.6 प्रतिशत हे, जऊन सबो राज्य मन के औसत 23.2 प्रतिशत ले अड़बड़ कम हे अऊ देश म सबकोति ले कम हे। करजा मन के ब्याज भुगतान म छत्तीसगढ़ म राजस्व व्यय के 4.6 प्रतिशत (चार दशमलव छह प्रतिशत) व्यय दर्ज करे गए हे, जबकि देश के आन सबो राज्य मन के औसत 11.4 प्रतिशत हे। छत्तीसगढ़ ए मामला म घलोक देश म सर्वश्रेष्ठ हे। मुख्यमंत्री ह ये घलोक बताइन कि बेहतर वित्तीय प्रबंधन के फलस्वरूप राज्य म ऋण भार अऊ ब्याज भार कम हे। ए वजह ले विकास कार्य मन बर राज्य म बहुत पइसा हे। जी.एस.डी.पी. के अनुपात म बजट म 22.7 प्रतिशत राशि विकास मूलक कार्य मन बर प्रावधानित कर छत्तीसगढ़ ह देश के गैर-विशेष श्रेणी के राज्य मन म पहिली स्थान हासिल करे हे। ये प्रावधान देश के आन सबो राज्य मन के औसत 12.8 प्रतिशत के करीबन दुगुना हे। मुख्यमंत्री ह ये घलोक बताइन कि छत्तीसगढ़ देश के उन गिने-चुने राज्य मन म सामिल हे, जेकर ऋण सीमा जी.एस.डी.पी. के तीन प्रतिशत के सामान्य सीमा के स्थान म 3.5 प्रतिशत निरधारित हो सकत हे।
