रायपुर, 04 जुलाई 2017। उच्च शिक्षा, तकनीकी शिक्षा, विज्ञान अऊ प्रौद्योगिकी मंत्री श्री प्रेमप्रकाश पाण्डेय ह आज इहां मंत्रालय (महानदी भवन) स्थित अपन कक्ष म आयोजित बैठक म विभागीय काम-काज के समीक्षा करिन। श्री पाण्डेय ह कहिन कि राज्य शासन कोति ले अनुमोदित तारामण्डल के निर्माण भिलाई म करे जाही। एखर निर्माण म 17 करोड़ 30 लाख रूपिया के लागत आही। तारामण्डल के निर्माण छत्तीसगढ़ रीजनल साईंस सेंटर सोसायटी के वैज्ञानिक कार्यक्रम के तहत करे जाही। उमन बताइन कि इनोवेशन स्कूल निर्माण बर राज्य शासन कोति ले सात करोड़ रूपिया के स्वीकृति देहे गए हे। इही प्रकार से इनोवेशन हब बर एक करोड़ 80 लाख रूपिया स्वीकृत करे गए हे।
बैठक म श्री पाण्डेय ह तकनीकी शिक्षा, जादा शिक्षा, साईंस अउर टेक्नालॉजी विभाग के काम-काज के समीक्षा करिन। उमन कहिन कि इंजीनियरिंग कॉलेज मन म छात्र-छात्रा मन के प्रवेश बर संस्था स्तर म कार्रवाई करे जाही। छात्र-छात्रा मन ल ए संस्था मन म काउसिंलिंग के माध्यम ले प्रवेश दे जाही। बैठक म बताए गीस कि इंजीनियरिंग कॉलेज मन म छात्र-छात्रा मन के प्रवेश बर आयोजित पहिली काउसिंलिंग म पांच हजार 500 सीट म ले दु हजार 600 सीट भरे जा चुके हे। श्री पाण्डेय ह कहिन कि बजट के उपयोग पूरा करे जाय। बजट के उपयोग नइ होए म संबंधित मन उपर जिम्मेदारी तय करे जाही। उमन अधिकारी मन ल छात्रवृत्ति के मानिटरिंग हर एक महिना म करे के निर्देश दीन अऊ कहिन कि सबो पात्र पढ़ईया लईका मन ल छात्रवृत्ति समय म दे जाय। उमन निशक्तजन मन बर संचालित योजना मन के सुचारू रूप ले संचालित करे अऊ निर्माण कार्य म निशक्तजन मन के सुविधा के विशेष ध्यान रखे के निर्देश दीन।
बैठक म बताए गीस कि छत्तीसगढ़ विज्ञान केन्द्र म अब तक चार लाख 30 हजार मनखे अवलोकन करे गए हे। दु लाख छह हजार छात्र-छात्रा मन, एक लाख 56 हजार युवा मन संग हमर छत्तीसगढ़ योजना के तहत राज्य भर ले आये 67 हजार पंचायत प्रतिनिधि मन ह विज्ञान केन्द्र ल देखिन। छत्तीसगढ़ विज्ञान केन्द्र म फूले वाले गुम्बदनुमा तारामण्डल म खगोल विज्ञान ले संबंधित जानकारी मन मिलथे। ए केन्द्र ल अब तक 45 हजार ले जादा छात्र-छात्रा मन संग आम मनखे मन ह देखे हें। छत्तीसगढ़ विज्ञान केन्द्र के अंतर्गत 3-डी थियेटर म रोमांचित करे वाले विज्ञान आधारित 3-डी चलचित्र मन के प्रदर्शन करे जात हे। प्रदेश के 53 हजार छात्र-छात्रा मन अऊ आम जन मन ह चलचित्र मन ल देखके अपन जानकारी ल बढ़ाए हें। छत्तीसगढ़ विज्ञान केन्द्र म राष्ट्रीय अउ अन्तर्राष्ट्रीय दिवस के आयोजन, विशेषज्ञ व्याख्यान, मॉडल निर्माण कार्यशाला अउ मॉडल प्रदर्शन अऊ सनिवार क्रियाकलाप के आयोजन करे जात हे। ए आयोजन मन म 22 हजार ले जादा मनखे मन ह हिस्सा लेहे हें। बैठक म उच्च शिक्षा विभाग के सचिव श्रीमती रेणुजी पिल्ले संग वरिष्ठ विभागीय अधिकारी मौजूद रहिन।
