मुख्य सचिव के अध्यक्षता म प्रधानमंत्री के 15 सूत्रीय कार्यक्रम मन के राज्य स्तरीय समीक्षा बैठक
रायपुर, 25 जुलाई 2017। प्रधानमंत्री श्री नरेन्द्र मोदी के स्वच्छ भारत मिशन के तहत छत्तीसगढ़ के मदरसा मन म घलोक लइका मन बर स्वच्छ शौचालय के निर्माण करे जाही। राज्य म ए बेरा 316 मदरसा संचालित होवत हे, जेमा 744 शिक्षक कार्यरत हे। पढ़ईया लईका मन के संख्या लगभग बीस हजार हे। मुख्य सचिव श्री विवेक ढांड के अध्यक्षता म आज इहां मंत्रालय म अल्पसंख्यक कल्याण बर प्रधानमंत्री के नवा 15 सूत्रीय कार्यक्रम मन के राज्य स्तरीय समीक्षा बैठक होइस, जेमां श्री ढांड ह नगरीय प्रशासन विभाग के अधिकारी मन ल मदरसा मन म अवइया तीन महिना के भीतर शौचालय निर्माण सुनिश्चित करे के निर्देश दीन।
बैठक म मदरसा मन के शिक्षक मन के नियमित वेतन भुगतान, मदरसा मन के आधुनिकीकरण, ओमां संचालित मिडिल स्कूल मन म लइका मन बर कम्प्यूटर सुविधा, अल्पसंख्यक छात्रवृत्ति, गणवेश अऊ पाठ्यपुस्तक वितरण, कौशल उन्नयन संग कई ठन विषय म चर्चा करे गीस। मुख्य सचिव ह कहिन कि मदरसा मन म गणवेश अऊ पाठ्यपुस्तक मन के वितरण अनिवार्य रूप ले करे जाए। बैठक म केन्द्रीय अल्पसंख्यक काम मंत्रालय के बहुक्षेत्रीय कार्यक्रम के अंतर्गत जशपुर जिला के पांच विकासखण्ड मन बर एक करोड़ 17 लाख 75 हजार रूपिया के प्रस्तावित काम योजना के अनुमोदन करे गीस। मुख्य सचिव ह बैठक म ही प्रदेश के चार जिला मन के कलेक्टर मन ले अल्पसंख्यक समुदाय बर संचालित योजना मन के बारे म वीडियो कॉन्फ्रेंसिंग के संग जानकारी लीन। कलेक्टर जशपुर ह ओ मन ल बताइन कि जशपुर जिला के पांच विकासखण्ड-जशपुर, मनोरा, दुलदुला, कांसाबेल अऊ कुनकुरी म क्षेत्र के विकास बर बहुक्षेत्रीय विकास कार्यक्रम के अंतर्गत 28 करोड़ 84 लाख 79 हजार के राशि के 751 काम स्वीकृत करे गए हे। एमां ले 295 काम पूरा करे गए हे अऊ 164 काम प्रगति म हे। बैठक म बताए गीस कि राज्य के स्कूल मन म 488 उर्दू शिक्षक मन के पद स्वीकृत हे। एमां ले 288 उर्दू शिक्षक कार्यरत हे। मुख्य सचिव ह शेष उर्दू शिक्षक मन के खाली पद ल जल्दी भरे के निर्देश दीन। बैठक म रायपुर, दुर्ग, सरगुजा अऊ जशपुर जिला के कलेक्टर मन ले विडियों कान्फ्रेसिंग के जरिये अल्पसंख्यक कार्यक्रम क्रियान्वयन के समीक्षा करे गइस।
बैठक म आदिम जाति कल्याण विभाग के विशेष सचिव श्रीमती रीना बाबा साहेब कंगाले ह प्रस्तुतिकरण के जरिये पिछले बैठक म लेहे गए निर्णय मन के पालन प्रतिवेदन अऊ अल्पसंख्यक मन के कल्याण बर नवा 15 सूत्रीय कार्यक्रम मन के जानकारी दीन। ए बेरा म राज्य मदरसा बोर्ड के अध्यक्ष श्री मिर्जा एजाज बेग, राज्य उर्दू अकादमी के अध्यक्ष श्री अकरम कुरैशी अऊ आन कई सदस्य उपस्थित रहिन। उच्च शिक्षा विभाग के अपर मुख्य सचिव श्री सुनील कुजूर, वित्त विभाग के प्रमुख सचिव श्री अमिताभ जैन, सचिव स्कूल शिक्षा श्री विकासशील, सचिव समाज कल्याण श्री सोनमणि बोरा, पुलिस महानिदेशक श्री ए.एन. उपाध्याय, संचालक लोक अभियोजन एम.डब्ल्यू. अंसारी, संचालक संस्थागत वित्त डॉ. कमलप्रीत सिंह संग बहुत अकन अधिकारी मौजूद रहिन।
सड़क हादसा मन म घायल मनखे के बिना कोनो पूछताछ के तुरंत हो इलाज: श्री राजेश मूणत मुख्यमंत्री ह श्री नायडू ले करिन सौजन्य मुलाकात
डेयरी टेक्नॉलॉजी कॉलेज के नवा विस्तार भवन के लोकार्पण
मुख्यमंत्री मेरन समाचार पत्र प्रकाशक मन करिन सौजन्य मुलाकात
मुख्यमंत्री ह करिस कैलेण्डर के विमोचन
मंत्री श्रीमती रमशीला साहू ले जनप्रतिनिधि मन ह करिन मुलाकात
दसवीं अउ बारहवीं के जिला टॉपर दिव्यांग विद्यार्थी मुख्यमंत्री के हाथ सम्मानित होही
