सड़क अउ पानी दुनों म चल सकत हे ‘ओप्टर टू ए वन’ बाईक
रायपुर, 23 मार्च 2018। उच्च शिक्षा अऊ विज्ञान अउ प्रौद्योगिकी मंत्री श्री प्रेमप्रकाश पाण्डेय ह आज संझा राजधानी स्थित अपन निवास कार्यालय म दुर्ग जिला के श्री ओमप्रकाश गोयल ल इनोवेशन फण्ड कार्यक्रम के तहत सात लाख रूपिया के चेक दीन। ये राशि श्री गोयल ल ऊंखर नवाचार के प्रोटोटाइप निर्माण करे बर देहे गीस। श्री पाण्डेय ह श्री गोयल ल प्रोटोटाइप निर्माण बर अपन बधाई अऊ शुभकामना दीन। ए अवसर म छत्तीसगढ़ विज्ञान अउ प्रौद्योगिकी परिषद के महानिदेशक डॉ. के. सुब्रमण्यम घलोक उपस्थित रहिन।
style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">
दुर्ग जिला के श्री ओमप्रकाश गोयल अउ श्री भीष्म जोशी कोति ले नवाचार के अंतर्गत ‘ओप्टर टू ए वन’ बाईक के निर्माण प्रस्तावित करे गए हे। ये बाईक सड़क अउ पानी दुनों म चल सकत हे। जेखर उपयोग प्रदेश के जलाशय मन म जलकुम्भी अउ आन कचरा आदि सामान ल साफ करे बर करे जा सकत हे। एखर अलावा बाढ़ राहत बर घलोक एकर उपयोग करे जा सकत हे। ए प्रोटोटाइप निर्माण बर छत्तीसगढ़ विज्ञान अउ प्रौद्योगिकी परिषद कोति ले वित्तीय सहायता प्रदान करे जात हे। एखर तहत ओ मन ल आज प्रोटोटाइप निर्माण बर विमुक्त करे जाय वाले राशि के पहली किश्त के रूप म सात लाख रूपिया के राशि प्रदान करे गीस। ए काम ल इंदिरा गांधी कृषि विश्वविद्यालय के डिपार्टमेंट ऑफ फार्म मशीनरी एण्ड पावर इंजीनियरिंग, फैकल्टी ऑफ एग्रीकल्चर इंजीनियरिंग के प्राध्यापक डॉ. अजय वर्मा के मार्गदर्शन म पूरा करे जाही। ए प्रोटोटाइप निर्माण के कुल लागत राशि दस लाख रूपिया हे। ए निर्माण ल छह महिना म पूरा करे के लक्ष्य रखे गए हे।
style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">
ये नवाचार ल सहायता देहे अउ आन वैज्ञानिक मार्गदर्शन देहे बर छत्तीसगढ़ विज्ञान अउ प्रौद्योगिकी परिषद कोति ले एक विशेषज्ञ समिति घलोक बनाय गए हे। ये मां राष्ट्रीय प्रौद्योगिकी संस्थान रायपुर के प्राध्यापक डॉ. एस.पी.एस. मथारू अऊ इंस्टिट्यूट ऑफ टेक्नोलॉजी रायपुर के प्राध्यापक डॉ. टी. रामाराव ल नामांकित करे गए हे। अभी हाले म नवाचार अऊ अभिनव सोच अउ कार्यकलाप के बहुत जरूरत हे। इही विचार मन ल मूर्त रूप देहे बर छत्तीसगढ़ विज्ञान अउ प्रौद्योगिकी परिषद कोति ले बौद्धिक सम्पदा अधिकार केन्द्र के स्थापना करे गए हे। एखर अंतर्गत पेटेंट इनफार्मेशन सेंटर, ग्रासरूट इनोवेशन ऑगमेनटेशन नेटवर्क अउर इनोवेशन फण्ड कार्यक्रम आदि संचालित करे जात हे।
style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">
