रायपुर, 05 मार्च 2018। छत्तीसगढ़ सरकार के सौर सुजला योजना ले राज्य के बैकुण्ठपुर (कोरिया) जिला के ग्राम डोंगरिया निवासी श्री साहेबराम अऊ जशपुर जिला के ग्राम केंदापानी निवासी श्री दिलबहार जइसे हजारों किसान मन के तकदीर तेजी ले बदलत हे। श्री साहेबराम ह कभू अपन खेत मन म सिंचाई करे के कल्पना नइ करे रहिन, काबर के ऊंखर खेत तक बिजली के पहुंच नइ रहिस। सिंचाई नइ कर पाय के सेती खेती वर्षा उपर निर्भर रहिस। सौर सुजला योजना ले अब ऊंखर खेत म सोलर पम्प के स्थापना होइस एकर ले अब भरपूर सिंचाई होवत हे अऊ फसल लहलहावत हे। जशपुर जिला के दुलदुला विकासखंड के ग्राम केंदापानी म घलोक ए योजना के तहत सोलर पम्प स्थापना ले श्री दिलबहार सिंह के कुटुंब के पांच एकड़ जमीन म हरियाली खिले लगे हे।
style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">
श्री साहेबराम संग राज्य के 25 हजार किसान मन ल सौर सुजला योजना के लाभ मिले हे। श्री साहेबराम ह बताइस कि पहिली उमन अपन खेत म बिजली कनेक्शन बर आवेदन दे रहिन, फेर जादा लागत होए के कारण खेत तक बिजली लाइन नइ पहुंच पाइस, जब ओ मन ल सौर सुजला योजना के जानकारी मिलीस त उमन तुरंते आवेदन दीन। छत्तीसगढ़ अक्षय ऊर्जा विकास अभिकरण (क्रेडा) कोति ले ऊंखर खेत म तीन हार्सपावर के सोलर पम्प स्थापित कर दे गीस। उंखर तीन एकड़ बंजर जमीन ल सिंचाई के सुविधा मिलीस। ओ मन अब ए जमीन म पता, भांटा, मटरा के खेती करत हें। श्री दिलबहार सिंह के खेती पहाड़ी इलाका म हे। ए सेती ले ओ मन ल जीवनयापन बर वनोपज के संग्रहण अऊ मजदूरी के काम घलोक करना परता रहिस। सौर सुजला योजना के तहत तीन एचपी के सोलर पम्प मिले म अब ओ मन रबी फसल मन के खेती घलोक अच्छा तरीका ले करत हें।
style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">
योजना के तहत राज्य सरकार कोति ले तीन हार्सपावर अऊ पांच हार्सपावर क्षमता वाले सौर ऊर्जा संचालित सिंचाई पम्प किसान मन ल अड़बड़ कम कीमत म देहे जात हे। अवइया साल 31 मार्च तक राज्य म करीबन 51 हजार किसान मन ल ए योजना म सामिल करे के लक्ष्य हे। योजना के तहत साढ़े तीन लाख रूपिया के लागत के तीन एचपी क्षमता वाले पम्प, अनुसूचित जाति-जनजाति के किसान मन ल सात हजार रूपिया, आन पिछड़ा वर्ग के किसान मन ल बारा हजार अऊ सामान्य वर्ग के किसान मन ल 18 हजार रूपिया म देहे जात हे। एखर बर तीन हजार रूपिया प्रोसेसिंग शुल्क घलोक निरधारित हे। साढ़े चार लाख रूपिया लागत के पांच हार्सपावर क्षमता वाले पम्प अनुसूचित जाति-जनजाति के किसान मन ल दस हजार रूपिया, पिछड़ा वर्ग के किसान मन ल 15 हजार रूपिया अऊ सामान्य वर्ग के किसान मन ल 20 हजार रूपिया म देहे जात हे। ए पम्प मन बर 4800 रूपिया के प्रोसेसिंग शुल्क घलोक निरधारित करे गए हे।
style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">
