रैपुर, 07 अपरेल 2017। सरकार कति ले एक अपरेल ले मंझनिया 12 बजे ले रात 9 बजे तक दारू दुकान खोले के समय निरधारित करे गए हे। संगें-संग दारू दुकान के जघा ह घलव बदल गए हे। ये दूनों बात के सेती दारू परेमी मन चकरा गए हवंय। ये नवा नियम मन ले अनजान कतकोन झन दारू पियइया मन सरकारी दारू दुकान के बाहिर भिनसरहा 10 बजे ले बइठके दुकान खुले के अगोरा करत रहिथें। नवा जघा म सरकारी शराब दुकान खुल जाए के कारण शराब पीयइया मन दुकान ल खोजथें अउ नइ पावंय त सिघ्धा थाना पहुंच के उंहा के डिउटी स्टाफ ले सरकारी दारू दुकान के पता पूछथें। रइपुर के तेलीबांधा थाने मं रोजे अइसनहे दारू दुकान के बारे म पुछइया मनखे आवत हें अइसे श्री विजय अग्रवाल, एडिशनल एसपी सिटी रैपुर ह बताइन हें।
