तालाब के घलोक करिन जांच
तालाब गहरीकरण अऊ सीसी रोड बर 25 लाख रूपिया मंजूर
दू महिला मन ल ई-रिक्शे के चाबी सौंपिन
रायपुर, 26 मार्च 2018। मुख्यमंत्री डॉ. रमन सिंह प्रदेशव्यापी लोक सुराज अभियान के तहत आज बेमेतरा जिला के ग्राम तेंदूभांठा (विकासखंड-साजा) अऊ जिला बालोद के ग्राम भण्डेरा (विकासखंड-डौंडीलोहारा) के समाधान शिविर मन म सामिल होइन। डॉ. सिंह दुनों शिविर मन म अचानक पहुंचिन। उमन ए गांव मन म कई ठन योजना मन के तहत चलत विकास काम मन के आकस्मिक निरीक्षण घलोक करिन। तेंदूभांठा के शिविर म उमन राष्ट्रीय शहरी आजीविका मिशन के तहत जिला मुख्यालय बेमेतरा के महिला स्वसहायता समूह के दू महिला श्रीमती मंजू साहू अऊ श्रीमती प्रेमिन बाई ल ई-रिक्शा भेंट करिन। उमन दूनो महिला मन के ई-रिक्शा के चाबी उएंप के बधाई अऊ शुभकामना दीन।
style="display:block"
data-ad-client="ca-pub-3208634751415787"
data-ad-slot="6787779569"
data-ad-format="auto">
मुख्यमंत्री राजधानी रायपुर ले हेलीकॉप्टर ले रवाना होके पहिली तेंदूभांठा अऊ ओखर बाद भण्डेरा पहुंचिन। उमन प्रधानमंत्री आवास योजना के तहत गांव मन म बनत मकान मन के बारे म अधिकारी मन ले जानकारी लीन। डॉ. सिंह ह तेंदूभांठा के तालाब के मेड़ ले पैदल चलके ए योजना के हितग्राही श्रीमती रोहिणी बाई के घर पहुंचिन। संगेच उमन तालाब के घलोक निरीक्षण करिन। मुख्यमंत्री ल अइसनहे अचानक अपन घर के दरवाजा म देखके श्रीमती रोहिणी बाई अऊ ओखर परिवार अचरज म रहि गीस। श्रीमती रोहिणी बाई ल प्रधानमंत्री आवास योजना के तहत चालू वित्तीय साल 2017-18 म पक्का मकान स्वीकृत करे गए रहिस। ओ मन अब अपन परिवार के संग ए मकान म रहेलगे रहिन। उमन अऊ ऊंखर परिवार के मनखे मन ह एखर बर प्रधानमंत्री अऊ मुख्यमंत्री ल धन्यवाद दीन।
style="display:block"
data-ad-client="ca-pub-3208634751415787"
data-ad-slot="4115359353"
data-ad-format="link">
